কাজলগাঁও ১৬ নৱেম্বৰঃ
চিৰাং জিলাৰ সদৰ কাজলগাঁৱস্থিত বড়ো লেখক সংস্থা(বডো ৰাইটাৰছ একাডেমী) ৰ কাৰ্যালয়ৰ প্ৰেক্ষাগৃহত আজি আনুষ্ঠানিকভাবে বড়ো সংগ্ৰহালয়ৰ শুভ উদ্বোধন কৰে বিটিচিৰ কাৰ্যবাহী সদস্য পানীৰাম ব্ৰহ্মই । কাৰ্যসুচীৰ অংশ হিচাপে বড়ো লেখক সংস্থাৰ প্ৰেক্ষাগৃহত সংস্থাৰ সভাপতি ৰাজেন বসুমতাৰীৰ পৌৰহিত্যত অনুষ্ঠিত সভাত বড়ো জনগোষ্ঠীয় লেখক- সাহিত্যিক সকলে স্ব-গোষ্ঠীয় লেখা মেলাৰ ওপৰত আলোকপাত কৰে । সভাত পদ্মশ্ৰী বঁটা প্ৰাপক বিশিষ্ট ড০ মঙ্গলসিং হাজোৱাৰীয় সংস্থাৰ এখনি স্মৃতিগ্ৰন্থ উন্মোচন কৰে ৷ অনুষ্ঠানত বিটিচিৰ কাৰ্যবাহী সদস্য পানীৰাম ব্ৰহ্ম, বিটিচিৰ পাৰিষদ শুকুৰসিং নুছাহাৰী,, বিপিএফৰ কেন্দ্ৰীয় উপ সভাপতি শুদ্ধ কুমাৰ বসুমতাৰী আদিৰ লগতে ভালে সংখ্যক বড়ো জনগোষ্ঠীয় লেখক, সাহিত্যিক উপস্থিত থাকে । বড়ো লেখক সংস্থাৰ সভাপতি ৰাজেন বসুমতাৰীয়ে সংবাদ মাধ্যমৰ আগত প্ৰকাশ কৰা মতে, বড়ো লেখক সংস্থাৰ দ্বাৰা বিগত দিনত বড়ো সাহিত্যৰ ভঁৰাল চহকী কৰি অহা হৈছে ৷ বিগত ২০১৭ চনৰ সংস্থাই বড়ো সমাজত দৈনন্দিন ব্যৱহৃত সামগ্ৰীৰ সংৰক্ষৰণ কৰাৰ পৰিকল্পনা হাতত লোৱা অনুসৰি এই সংগ্ৰহালয় মুকলি কৰা হৈছে বুসি জানিবলৈ দিয়ে ৷
