ইন্ধনৰ অব্যাহত মূল্যবৃদ্ধিৰ ফলত পুনৰ সমস্যাৰ সন্মুখীন হৈছে দিল্লীৰ টেক্সি চালকসকল। এই পৰিস্থিতিৰ প্ৰতিবাদত আৰু ভাৰা বৃদ্ধিৰ দাবীত টেক্সি চালক সন্থাই ২১ মে’ৰ পৰা ২৩ মে’লৈ তিনিদিনীয়া চকা বন্ধৰ আহ্বান জনাইছে।
টেক্সি চালকসকলৰ অভিযোগ অনুসৰি, ইন্ধনৰ মূল্য বৃদ্ধিৰ ফলত দৈনন্দিন আয়-ব্যয়ত ব্যাপক প্ৰভাৱ পৰিছে। বৰ্তমানৰ ভাৰাত গাড়ী চলোৱা কঠিন হৈ পৰাত সন্থাই চৰকাৰক ভাৰা পুনৰ নিৰ্ধাৰণৰ দাবী জনাইছে।
চকা বন্ধৰ ফলত দিল্লীত সাধাৰণ যাতায়াত ব্যৱস্থাত ব্যাঘাত ঘটাৰ সম্ভাৱনা দেখা দিছে। বিশেষকৈ অফিচযাত্ৰী আৰু দৈনিক টেক্সিৰ ওপৰত নিৰ্ভৰশীল লোকসকল সমস্যাৰ সন্মুখীন হ’ব পাৰে।
