মধ্যপ্ৰাচ্যৰ পৰিস্থিতি পুনৰ উত্তপ্ত হৈ পৰিছে। দেওবাৰে লেবাননৰ ৰাজধানী বেইৰুতত ইজৰাইলে চলোৱা এক ভয়ংকৰ বিমান আক্ৰমণত হিজবুল্লাৰ শীৰ্ষ কমাণ্ডাৰ হায়থাম আলী টাবাটাবাই নিহত হয়। ইজৰাইলী সেনাই এই খবৰ নিশ্চিত কৰি জনাইছে যে এই আক্ৰমণ তেওঁলোকৰ এক নিৰ্দিষ্ট লক্ষ্য আছিল। এই আক্ৰমণত এটা আৱাসিক ভৱন ধ্বংস হোৱাৰ লগতে আন কেইবাজনো লোক হতাহত হোৱাৰ খবৰ পোৱা গৈছে।
হিজবুল্লায়ে তেওঁলোকৰ জ্যেষ্ঠ নেতাৰ মৃত্যু নিশ্চিত কৰিছে আৰু ইয়াৰ পোতক তুলিবলৈ ইজৰাইলৰ ওপৰত প্ৰতিশোধ ল’ব বুলি হুংকাৰ দিছে। এই ঘটনাই অঞ্চলটোত চলি থকা সংঘাতক নতুন মাত্ৰা প্ৰদান কৰিছে আৰু এক বৃহৎ যুদ্ধৰ আশংকা বৃদ্ধি কৰিছে। ইপিনে, ইজৰাইলৰ এই আক্ৰমণৰ পাছতে লেবাননৰ সীমান্তত উত্তেজনা বৃদ্ধি পাইছে। আন্তৰ্জাতিক সম্প্ৰদায়ে দুয়ো পক্ষকে সংযত হ’বলৈ আহ্বান জনাইছে যদিও বৰ্তমানৰ পৰিস্থিতি অত্যন্ত ভয়ানক হৈ পৰিছে।
