তুৰস্কৰ ৰাজধানী আংকাৰাত সংঘটিত এক শোকাৱহ বিমান দুৰ্ঘটনাত লিবিয়াৰ সেনা প্ৰধান আৰু তেওঁৰ সৈতে থকা কেইবাজনো উচ্চপদস্থ সামৰিক বিষয়াৰ মৃত্যু হৈছে। লিবিয়া চৰকাৰৰ সূত্ৰই প্ৰকাশ কৰা মতে, এক গুৰুতৰ কাৰিকৰী বিজুতিৰ বাবে এই দুৰ্ঘটনাটো সংঘটিত হয়।
বিমানখনে আংকাৰাৰ পৰা ত্ৰিপলীলৈ যাত্ৰা কৰাৰ কিছু সময়ৰ পিছতেই যান্ত্ৰিক বিসংগতিৰ সন্মুখীন হয়। পাইলটে জৰুৰীকালীন অৱতৰণৰ চেষ্টা কৰিছিল যদিও আংকাৰাৰ সমীপৱৰ্তী এক মুকলি স্থানত বিমানখন দুৰ্ঘটনাত পতিত হয়।
এই শোকাৱহ ঘটনাত মুঠ ৮ জন লোকে প্ৰাণ হেৰুৱাইছে:
- লিবিয়াৰ সেনা প্ৰধান।
- চাৰিজন জ্যেষ্ঠ সামৰিক বিষয়া।
- তিনিজন Crue মেম্বাৰ।
লিবিয়া চৰকাৰে এই ঘটনাক দেশৰ বাবে এক অপূৰণীয় ক্ষতি বুলি অভিহিত কৰিছে আৰু দেশজুৰি তিনিদিনীয়া ৰাষ্ট্ৰীয় শোক ঘোষণা কৰিছে। তুৰস্ক আৰু লিবিয়াৰ কৰ্তৃপক্ষই যুটীয়াভাৱে দুৰ্ঘটনাৰ প্ৰকৃত কাৰণ উদ্ঘাটন কৰিবলৈ এক উচ্চস্তৰীয় তদন্ত আৰম্ভ কৰিছে।
