আজি পুৱা প্ৰায় ১০:০৯ বজাত অসম আৰু উত্তৰ-পূৰ্বাঞ্চলৰ কেইবাখনো ঠাইত ভূমিকম্পৰ তীব্ৰ জোকাৰণি অনুভৱ কৰা হয়। প্ৰাথমিক তথ্য অনুসৰি, এই ভূমিকম্পৰ প্ৰাবল্য ৰিখটাৰ স্কেলত ৫.২ বুলি জানিব পৰা গৈছে।
ভূমিকম্পৰ উৎপত্তিস্থল ত্ৰিপুৰা আৰু বাংলাদেশ সীমান্ত অঞ্চল বুলি ঠাৱৰ কৰা হৈছে। অসমৰ বিভিন্ন জিলাত এই জোকাৰণি অনুভৱ হোৱাৰ লগে লগে মানুহৰ মাজত আতংকৰ সৃষ্টি হয় আৰু বহুতো লোক ঘৰৰ বাহিৰলৈ ওলাই আহে।
বৰ্তমানলৈকে কোনো ধৰণৰ ক্ষয়-ক্ষতি বা কোনো লোক হতাহত হোৱাৰ খবৰ পোৱা হোৱা নাই। বতৰ বিজ্ঞান কেন্দ্ৰ আৰু প্ৰশাসনীয় বিষয়াসকলে পৰিস্থিতিৰ ওপৰত নজৰ ৰাখিছে। ভূমিকম্প প্ৰৱণ অঞ্চল হিচাপে ৰাইজক সতৰ্ক হৈ থাকিবলৈ আহ্বান জনোৱা হৈছে।
