মহাকাশ গৱেষণাৰ ক্ষেত্ৰত এক বৈপ্লৱিক পদক্ষেপ গ্ৰহণ কৰি ৰাছিয়াই আগন্তুক এক দশকৰ ভিতৰত চন্দ্ৰত এটা পাৰমাণৱিক বিদ্যুৎ কেন্দ্ৰ (Nuclear Power Plant) নিৰ্মাণ কৰাৰ অভিলাষী পৰিকল্পনা ঘোষণা কৰিছে। ৰাছিয়াৰ মহাকাশ সংস্থা ‘ৰছকছমছ’ৰ (Roscosmos) মতে, এই প্ৰকল্পটো ২০৩৩ চনৰ পৰা ২০৩৫ চনৰ ভিতৰত সম্পূৰ্ণ কৰাৰ লক্ষ্য নিৰ্ধাৰণ কৰা হৈছে।
এই বিশেষ প্ৰকল্পটো ৰাছিয়া আৰু চীনৰ যৌথ সহযোগিতাত নিৰ্মাণ কৰাৰ সম্ভাৱনা আছে। চন্দ্ৰৰ বুকুত ভৱিষ্যতে মানৱ বসতি স্থাপন আৰু দীৰ্ঘম্যাদী বৈজ্ঞানিক গৱেষণা চলাই নিবলৈ প্ৰচুৰ শক্তিৰ প্ৰয়োজন হ’ব। সৌৰ শক্তি চন্দ্ৰৰ দীঘলীয়া নিশাৰ বাবে (যি প্ৰায় পৃথিৱীৰ ১৪ দিনৰ সমান) সদায় নিৰ্ভৰযোগ্য নহয়, সেয়েহে পাৰমাণৱিক শক্তিক এক বিকল্প হিচাপে বাছনি কৰা হৈছে।
