শ্ৰীলংকাৰ ৰাজধানী ক’ল’ম্বোৰ পানিবৰথা থিয়েটাৰত শেহতীয়াকৈ গীতা মহোৎসৱ উলহ-মালহেৰে উদযাপন কৰা হয়। ভাৰতীয় উচ্চায়োগৰ অধীনস্থ স্বামী বিবেকানন্দ সাংস্কৃতিক কেন্দ্ৰই আয়োজন কৰা এই অনুষ্ঠানে শ্ৰী লংকা আৰু ভাৰতৰ মাজৰ সাংস্কৃতিক সম্পৰ্কক আৰু অধিক শক্তিশালী কৰি তোলে।
অনুষ্ঠানৰ শুভাৰম্ভণি কৰে ভাৰতীয় উপ-উচ্চায়ুক্ত ডঃ সত্যঞ্জল পাণ্ডে আৰু বিশ্ববিদ্যালয়ৰ উপাচাৰ্য অধ্যাপক ৰোহন নেতছিংঘে। এই মহোৎসৱত ভক্তি আৰু সাংস্কৃতিক ঐশ্বৰ্যৰ এক মনোমোহা সংমিশ্ৰণ দেখা যায়। সন্ধিয়াৰ কাৰ্যসূচীত ৰবিবন্ধু সামন্তি নৃত্য দলে পৰিৱেশন কৰা কাণ্ডিয়ান নৃত্য, নাট্য কলা মন্দিৰৰ ভাৰতনাট্যম আৰু স্বৰ্গীয় গীতাৰ চিৰন্তন শিক্ষাক কেন্দ্ৰ কৰি ছাত্ৰ-ছাত্ৰীসকলে আগবঢ়োৱা এক বিশেষ বিষয়ভিত্তিক প্ৰদৰ্শনে দৰ্শকক মুগ্ধ কৰে।
এই সাংস্কৃতিক সন্ধিয়াৰ জৰিয়তে শ্ৰীমদ্ভাগৱত গীতাৰ সাৰ্বজনীন বাৰ্তা আৰু শান্তি, ভ্ৰাতৃত্ববোধৰ শিক্ষাৰ ওপৰত গুৰুত্ব আৰোপ কৰা হয়। গীতা মহোৎসৱে ভাৰতীয় আধ্যাত্মিক দৰ্শনক বিদেশত প্ৰচাৰ কৰাৰ লগতে দুয়োখন দেশৰ মাজত একাত্মতাৰ সেতু গঢ়াত সহায় কৰে।
