গোৱাৰ নৈশ ক্লাৱত কালি সংঘটিত শোকাৱহ অগ্নিকাণ্ড ঘটনাত কৰুণ মৃত্যুক সাৱতি ললে ধেমাজিৰ জামুকনি গাওঁৰ ২২ বছৰীয়া যুৱক দিগন্ত পাটিৰে৷
২৫ গৰাকীকৈ লোকে প্ৰাণ হেৰুৱা বিধ্বংসী অগ্নিকাণ্ডৰ ঘটনাটোত অসমৰ তিনিজন লোকে প্ৰাণ হেৰুৱাইছিল, সেইকেইজনৰ ভিতৰত ধেমাজিৰ দৰিদ্ৰ পৰিয়ালৰ সন্তান দিগন্ত পাটিৰো আছিল৷
এবছৰ পূৰ্বে কৰ্মৰ সন্ধানত গোৱালৈ যোৱা দিগন্ত পাটিৰে গোৱাৰ এটা নৈশ ক্লাৱত ৰান্ধনীৰ কামত নিয়োজিত আছিল৷ দৰিদ্ৰ পৰিয়ালৰ সন্তান দিগন্তৰ মৃত্যুত এতিয়া শোকাকুল পৰিৱেশে বিৰাজ কৰিছে দুৰ্ভগীয়া ঘৰখনত৷
ইতিমধ্যে কেৰেলাত কৰ্মৰত দিগন্তৰ ভাতৃ গোৱালৈ ৰাওনা হৈছে৷
ধেমাজিৰ এক দৰিদ্ৰ পৰিয়ালৰ সন্তান দিগন্তৰ ঘৰত থাকে মাথো মাতৃ আৰু ভগ্নী৷ বৰ্তমান ঘৰখনত শোকাকুল পৰিৱেশ৷
