ফিফাই ২০২৬ চনৰ বিশ্বকাপ ফুটবলৰ সম্পূৰ্ণ খেলসূচী আনুষ্ঠানিকভাৱে প্ৰকাশ কৰিছে। এই টুৰ্ণামেণ্ট কানাডা, মেক্সিকো আৰু আমেৰিকা যুক্তৰাষ্ট্ৰত অনুষ্ঠিত হ’ব আৰু এইবাৰেই প্ৰথমবাৰৰ বাবে খেলুৱৈৰ সংখ্যা ৩২ৰ পৰা ৪৮টা দললৈ বৃদ্ধি কৰা হৈছে।
ঘোষণা অনুসৰি, বিশ্বকাপৰ প্ৰথমখন খেল ২০২৬ চনৰ ১১ জুনত মেক্সিকোৰ মেক্সিকো চিটি ষ্টেডিয়ামত অনুষ্ঠিত হ’ব, য’ত আয়োজক দল মেক্সিকোৱে দক্ষিণ আফ্ৰিকাৰ সৈতে মুখামুখি হ’ব। ইফালে, প্ৰতিযোগিতাখনৰ ফাইনাল খেলখন ১৯ জুলাইত নিউ জাৰ্ছিত অৱস্থিত মেটলাইফ ষ্টেডিয়ামত (New York/New Jersey Stadium) অনুষ্ঠিত হ’ব।
মুঠ ১০৪খন খেল অনুষ্ঠিত হ’বলগীয়া এই বিশ্বকাপত আমেৰিকা যুক্তৰাষ্ট্ৰত সৰ্বাধিক ৭৮খন খেল অনুষ্ঠিত হ’ব, আনহাতে কানাডা আৰু মেক্সিকোত ১৩খনকৈ মেচ অনুষ্ঠিত হ’ব। ডিফেন্ডিং চেম্পিয়ন আৰ্জেণ্টিনাই আলজেৰিয়াৰ বিৰুদ্ধে ১৬ জুনত নিজৰ অভিযান আৰম্ভ কৰিব।
ফুটবলপ্ৰেমীসকলৰ মাজত এই খেলসূচীক লৈ বৰ্তমান ব্যাপক উত্তেজনাৰ সৃষ্টি হৈছে।
