কালি, ২ নৱেম্বৰ ২০২৫ তাৰিখে, ভাৰতীয় মহিলা ক্ৰিকেট দলে ইতিহাস ৰচনা কৰে। নৱী মুম্বাইৰ ডি ৱাই পাটিল ষ্টেডিয়ামত অনুষ্ঠিত হোৱা আই চি চি মহিলা বিশ্বকাপৰ ৰোমাঞ্চকৰ ফাইনেলত ভাৰতে দক্ষিণ আফ্ৰিকাক ৫২ ৰাণত পৰাস্ত কৰি প্ৰথমবাৰৰ বাবে বিশ্ব চেম্পিয়নৰ খিতাপ অৰ্জন কৰে।
প্ৰথমে বেটিং কৰি ভাৰতে শ্বেফালী বাৰ্মাৰ দৰ্শনীয় ৮৭ ৰাণ, দীপ্তি শৰ্মাৰ ৫৮ আৰু স্মৃতি মান্ধানাৰ ৪৫ ৰাণৰ সহায়ত ২৯৮ ৰাণৰ এক শক্তিশালী লক্ষ্য নিৰ্ধাৰণ কৰে।
২৯৯ ৰাণৰ লক্ষ্য অনুসৰণ কৰি দক্ষিণ আফ্ৰিকাৰ অধিনায়ক লৰা উলভাৰ্টে ১০১ ৰাণৰ এক সুন্দৰ শতক অৰ্জন কৰে যদিও ই দলক জয়ী কৰাবলৈ সক্ষম নহ’ল। ভাৰতৰ হৈ দীপ্তি শৰ্মাই দুৰ্দান্ত বলিং প্ৰদৰ্শন কৰি ৩৯ ৰাণত ৫ টা উইকেট দখল কৰে, যাৰ ফলত দক্ষিণ আফ্ৰিকা ২৪৬ ৰাণতে অলআউট হয়।
শ্বেফালী বাৰ্মাক ‘প্লেয়াৰ অৱ দ্য মেচ’ আৰু দীপ্তি শৰ্মাক ‘প্লেয়াৰ অৱ দ্য ছিৰিজ’ হিচাপে নিৰ্বাচিত কৰা হয়।
